Mazkur bahsda hamyurtimizga argentinalik Nazareno Gaston Ruiz raqiblik qildi. Jang muddatidan oldin yakunlandi. Bahsni ketma-ket zarbalar bilan boshlagan bokschimiz 18-soniyadayoq raqibini nokaut holatiga tushirdi.

Maʼlumot uchun, bu Shohjahon uchun professional ringdagi 16-jang boʻldi. Ergashev ularning barchasida gʻalaba qozongan. Bahslarning 15 tasida u raqiblarini muddatidan oldin magʻlub etgan. Ruizning oʻtkazgan janglari soni 50 taga yetdi. Argentinalik bokschi ularning 32 tasiga gʻalaba qozongan (11 ta nokaut). 18 marotaba imkoniyatni boy bergan (3 ta nokaut).