Respublika ixtisoslashgan bolalar-o‘smirlar shaxmat maktabiga Osiyo shaxmat federatsiyalari – Janubiy Koreya, Vyetnam, Mug‘uliston, Tayland, Bangladesh, Falastin, Afg‘oniston, Nepal, Laos, Iordaniya, Myanma, Tojikiston, Turkmaniston rahbarlari tashrif buyurdi.
Mehmonlar FIDЕ prezidenti Kirsan Ilyumjinov hamda Rossiya shaxmat federatsiyasi vasiylik kengashi a’zosi Arkadiy Dvorkovich hamrohligida keldi.
Shaxmat mutasaddilari maktab hayoti bilan yaqindan tanishib, o‘quvchilar bilan muloqotda bo‘ldi. Shuningdek, bolalar ishtirokida dona surishga ham ulgurishdi.
Muloqot chog‘ida FIDЕ prezidentligiga o‘z nomzodini ilgari surgan Arkadiy Dvorkovich o‘z dasturini ma’lum qildi.
Xalqaro shaxmat federatsiyasi prezidentligiga saylov joriy yilning 3-oktyabrida Batumida o‘tkazilishi rejalashtirilayotgan FIDЕ kongressida bo‘lib o‘tadi.
Muhammad Amin (surat) O‘zA