Xabaringiz bor, 2025 yil Saudiya Arabistonining Ar-Riyod shahrida yopiq inshootlardagi Osiyo o‘yinlari o‘tkaziladi.
Ar-Riyoddagi ushbu nufuzli sport tadbiridan avval, aniqrog‘i shu yilning noyabr oyida Tailandning Bangkok shahrida koronavirus pandemiyasi sabab, 2021 yilda o‘tkazilmagan yopiq inshootlardagi Osiyo o‘yinlari tashkil etiladi. Quvonarlisi mazkur musobaqalarda O‘zbekiston delegatsiyasi ham ishtirok etishi kutilmoqda.
Osiyo Olimpiya kengashining rasmiy xabariga ko‘ra, 2025 yilgi yopiq inshootlardagi Osiyo o‘yinlari dasturiga havaskor aralash jang san’atlar (MMA) sport turi kiritildi. Umid qilamizki, ushbu musobaqalarda o‘zbekistonlik MMAchilar ham muvaffaqiyatli ishtirok etadi.
Javohir Toshxo‘jayev,
O‘zA