Butunjahon boks assotsiatsiyasi (WBA) may oyi yakunlariga ko‘ra, o‘zining yangilangan reyting jadvalini e’lon qildi.
Unda mamlakatimizning 8 nafar bokschisi o‘rin oldi hamda ulardan 3 nafari o‘z vaznlarida shohsupaning eng yuqori pog‘onasidan joy oldi. Jumladan, Isroil Madrimov super yarim o‘rta vazn toifasida, Hasanboy Do‘smatov minimal vaznda, Murodjon Ahmadaliyev esa birinchi yarim yengil vazn toifasida birinchi o‘rinni egalladi.
Yarim yengil vaznda mamlakatimiz sharafini himoya qilayotgan Otabek Xolmatov va super o‘rta vazndagi Bektemir Meliqo‘ziyev esa reytingning to‘rtinchi o‘rniga joylashdi. Shuningdek, Muhammad Shexov birinchi yarim yengil vaznda, Botir Ahmedov esa super yengil vazn toifasida kuchli o‘nlikni yakunlab berdi.
Eslatib o‘tamiz, ayni damda Isroil Madrimov super yarim o‘rta vazn toifasida jahon chempioni hisoblanadi.
Javohir Toshxo‘jayev,
O‘zA