Ma’lumki, belgilangan tartibga ko‘ra, oliy ta’lim muassasalarining bakalavriat ta’lim yo‘nalishlariga abituriyentlarni ro‘yxatga olish har yili 20 iyundan 20 iyulga qadar amalga oshirilishi belgilangan.

Oliy ta’lim, fan va innovatsiyalar vazirligi matbuot xizmatining xabar berishicha, abituriyentlarni ro‘yxatga olish bugun, kunning ikkinchi yarmidan boshlandi.

Ayni vaqtda 2023/2024 o‘quv yili uchun maqsadli qabul parametrlari va qabul parametrlarining tillar kesimidagi taqsimotini my.uzbmb.uz saytiga joylashtirish ishlari yakunlanmoqda. 2023/2024 o‘quv yili uchun abituriyentlarni onlayn ro‘yxatga olish my.uzbmb.uz sayti orqali amalga oshiriladi.

Muhayyo Toshqorayeva, O‘zA