29-май күни Президент мектеплериниң рәсмий веб-сайты – pm.xtv.uz иске түсти. Бул веб-сайт арқалы пуқаралар Президент мектеплериниң жумыслары ҳәм өзлерин қызықтырған басқа сораўларға жуўап алыўы мүмкин. Бул ҳаққында «Дарё» хабар берди.
Сайтта Президент мектеплериниң Call-center (исеним телефоны), қабыллаў процесси ҳәм басқа мағлыўматлар да орын алған.
Атап айтқанда:
– мектеп ҳаққында;
– STEAM билимлендириў ҳаққында;
– қосымша имканиятлар;
– онлайн қабыллаў;
– тапсырылатуғын ҳүжжетлер;
– бос жумыс орынлары;
– халық билимлендириўине байланыслы жаңалықлар ҳәм т.б.
Веб-сайттың «Оқыў системасы» бөлиминде келтирилиўинше, Президент мектеби интернат тәризиндеги мәмлекетлик билимлендириў мәкемеси есапланып, оқыўшылар ҳәптениң бес күни даўамында (дүйшемби-жума) мектеп аймағында қалып оқыўы талап етиледи.
Барлық оқыўшылар мектеп аймағында дүйшембиден жумаға шекем күни-түни болады, дем алыс күнлери болса ата-аналар перзентлерин үйге алып кетиўи мүмкин (соның менен бирге, оқыўшылар мектеп-интернатта дем лаыс күнлери де қалыўы мүмкин).
Ислам Матеков,
Қарақалпақстан хабар агентлигиниң шолыўшысы.