Елимизде пуқаралардың, әсиресе, ҳаял-қызлар менен жаслардың бәнтлигин тәмийинлеў бойынша бир қатар илажлар әмелге асырылмақта. Мойнақ районындағы Жаслар орайында гезектеги мийнет ярмаркасы өткерилди.
Мийнет ярмаркасына район бойынша 43 кәрхана ҳәм шөлкемлерден 166 бос жумыс орны усынылды. Илажға 50 ден аслам жумыссыз пуқара ҳәм жоқары оқыў орнын питкериўшилер қатнасты.
Онда атап өтилгениндей, Мойнақ районында пуқаралардың бәнтлигин тәмийинлеў мақсетинде қайта кәсипке оқытыў системасы нәтийжели жолға қойылған. Районда заманагөй үскенелер менен тәмийинленген моноорай шөлкемлемлестирилип, тигиўшилик бағдары, аспазлық, компьютер, ҳаял-қызлар гөззалық салоны, сантехника ҳәм немис тили курслары бойынша район турғынлары билим ҳәм тәжирийбелерин жетилистирип келмекте.
Ярмаркада 35 пуқара жумысқа орналастырылды. Сондай-ақ, бир қатар жумыссыз ҳаял-қызларға тигиў, торлаў машиналары берилди.
Қарақалпақстан хабар агентлиги