Көпшиликтиң хабары болғанындай, 24-июль күни Франция пайтахты Париж қаласында жазғы Олимпиада ойынлары басланады.

Бүгин Тимур Кападзе басшылығындағы Өзбекстан U-23 сайланды командасы Олимпиадаға соңғы таярлықларды өткериў мақсетинде, Францияның Марсель қаласына жөнеп кетти.

Францияға жетип барғаннан соң, мәмлекетимиз футболшылары  Марсель қаласында 15-июль күни Гвинея, 18-июльда Жаңа Зеландияға қарсы дослық ушырасыўын өткереди.

Соңғы мағлыўматларға қарағанда, сайланды команда қурамында төмендеги футболшылар орын алған.

Дәрўазаманлар: Абдувоҳид Неъматов (“Насаф”), Владимир Назаров (“Пахтакор”), Ҳамидулло Абдунабиев (“Олимпик”).

Қорғаўшылар: Абдуқодир Ҳусанов (“Ланс”, Франция), Асадбек Раҳимжонов (“Олимпик”), Саидазамат Мирсаидов (“Олимпик”), Ҳусниддин Алиқулов (“Ризеспор”, Түркия), Муҳаммадқодир Ҳамралиев (“Пахтакор”), Зафармурод Абдираҳматов (“Насаф”), Иброҳимҳалил Йўлдошев (“Қайрат”, Қазақстан).

Ярым қорғаўшылар: Абдурауф Бўриев (“Пахтакор”), Диёр Холматов (“Пахтакор”), Беҳруз Асқаров (“Пахтакор”), Жасур Жалолиддинов (“Нефтчи”), Иброҳим Ибрагимов (“Пахтакор”), Умарали Раҳмоналиев (“Рубин”, Россия).

Ҳүжимшилер: Русланбек Жиянов (“Навбаҳор”), Алишер Одилов (“Олимпик”), Остон Ўрунов (“Персеполис”, Иран), Аббосбек Файзуллаев (ЦСКА, Россия), Элдор Шомуродов (“Рома”, Италия), Ҳусайин Норчаев (“Нефтчи”).

Адилбай Оразов,

Қарақалпақстан хабар агентлиги шолыўшысы.