Футбол бойынша Өзбекстан сайланды командасы ЖЧ—2026 таңлап алыў басқышы шеңберинде 11-июнь, сийшемби күни Иранға қарсы ойнады.
Ушырасыўдың биринши бөлиминде дәрўазаларға гол урылмады.
Екинши бөлимде де сайланды командалар бир қанша қәўипли жағдайларды жаратса-да, теңбе-тең есабы сақланып қалды.
Сол тәризде ушырасыў 0:0 есабы менен жуўмақланды ҳәм 2-таңлап алыў басқышын Өзбекстан 2-орын менен жуўмақлады.
Сречко Катанец командасы 6-июнь күни топардың 5-туры шеңберинде Түркменстанды жеңди.
2-таңлап алыў басқышы жуўмағына бола топар төмендегише көринис алған:
Skrin: Sofascore
Қарақалпақстан хабар агентлиги