Армения ҳәм Грузия 2029-жылы ФИФА жаслар арасындағы жәҳән чемпионатын өткериў ушын бирге арза береди, деп хабар бермекте Грузия футбол федерациясы.
Дәрекке бола, Грузия футбол федерациясы президенти Леван Кобиашвили мәмлекет бундай абырайлы илажларды өткериўде үлкен тәжирийбеге ийе екенин атап өткен.
Жаслар арасындағы жәҳән чемпионаты соңғы мәрте 2023-жылы Аргентинада болып өтти. Финальда Италия сайланды командасын 1:0 есабында жеңген Уругвай сайланды командасы турнир жеңимпазы болды. Израиль командасы үшинши орынды ийеледи.
ЖЧ—2025 Чилиде болып өтеди. Мәмлекетте усы турнир екинши мәрте өткериледи. Биринши мәрте Чили жаслар арасындағы Жәҳән чемпионатын 1987-жылы өткерген ҳәм онда Югославия сайланды командасы жеңиске ерискен. Германия сайланды командасы екинши орынды ийелеген.
Қарақалпақстан хабар агентлиги