Бүгин Ташкент қаласындағы «Бунёдкор» стадионында футбол бойынша 2026-жылы болып өтетуғын жәҳән чемпионатына таңлап алыў басқышының 5-тур ойынлары болып өтеди.
Онда Сречко Катанец басшылығындағы Өзбекстан миллий сайланды командасы Түркменстан сайланды командасы менен өз-ара ушырасады. Бул ойында бүгинги күни сырт еллердиң чемпионатларында өз шеберлигин көрсетип жүрген Элдор Шомуродов, Аббосбек Файзуллаев, Жалалатдин Машарипов, Атабек Шукуров ҳәм басқа да легионерлеримиз майданға түседи.
Ушырасыў саат 19:30 да басланыўы белгиленген.
Мағлыўмат ушын айтатуғын болсақ, Өзбекстан миллий сайланды командасы өткерилген 4 турдан соң, Иран сайланды командасы менен теңдей 10 упай топлап, таңлап алыў ойынларының кейинги басқышына жол алды.
Адилбай Оразов,
Қарақалпақстан хабар агентлиги шолыўшысы