Халық депутатлары Кегейли районлық Кеңесиндеги  O’zLiDeP депутатлық топарының басшысы Б.Искендеров  райондағы 1-санлы улыўма билим бериў мектебинде оқыўшыларға рус тилинен сабақ берип киятырған россиялы  Алексеева Юлия Ураловнаны 8 март-Халықаралық ҳаял-қызлар байрамы менен қутлықлады.

Юлия Алексеева  “Умный класс” жойбары тийкарында  2022-2023-оқыў жылында бир жылға шәртнама тийкарында  1-санлы улыўма билим бериў мектебинде оқыўшыларға рус тилинген сабақ бермекте. Тәжирийбели педагог буннан алдын Түркия, Англия ҳәм Франция мәмлекетлери мектеплеринде ислеген.
Бүгинги күни Кегейли районындағы 1-санлы улыўма билим бериў мектебинде 770 оқыўшы билим алып атырған болса, оларға 96 педагог устазлық етип келмекте, Депутат россиялы муғаллимди байрам менен қутлықлап,  республикамыздың жасларына билим берип атырған әдиўли ислери ушын миннетдаршылық билдирди.

Қарақалпақстан хабар агентлиги