11-февраль күни Нөкис районлық Халық билимлендириў бөлимине қараслы 21-санлы улыўма орта билим бериў мектебинде 8-класс оқыўшылары арасында Мәмлекет ҳәм ҳуқық тийкарлары пәнинен Нөкис районы «Ҳәким кубоги» республикалық жарысы болып өтти.
Оған республикамыздыӊ барлық қала ҳәм районларынан 50 ден аслам оқыўшылар қатнасты. Онда оқыўшылар 2 басқышта тест ҳәм жазба жумысынан имтихан тапсырды.
Таӊлаў жуўмағында 1-орынды Нөкис қаласынан Насиба Базарбаева, 2-орынды Нөкис районынан Санемгул Қалбаева ҳәм 3-орынды Шымбай районынан Дилназахан Сипатдиновалар жеӊип алыўға еристи.
Жеӊимпазларға Нөкис районы ҳәкимлигиниӊ баҳалы саўғалары тапсырылды.
Адилбай Оразов,
Қарақалпақстан хабар агентлиги шолыўшысы