Өзбекстан Республикасы Президентиниң 2021-жыл 24-сентябьдеги ПҚ-5251-санлы қарары 1-қосымшасы менен тастыйықланған Велоспорт түрлерин 2021-2022-жылларда раўажландырыў бағдарламасының 4(7)-бәнтинде «Студентлер лигасы» велоспорт жарысын шөлкемлестириў ўазыйпасы белгиленген еди.

Усы мүнәсибет пенен 24-май күни Нөкис қаласындағы Туран стадионында Өзбекстан мәмлекетлик денетәрбия ҳәм спорт университети Нөкис филиалының шөлкемлестириўинде Қарақалпақстан Республикасындағы барлық ЖОО (Жоқары оқыў орынлары) арасында «Студентлер лигасы» велоспорт жарысы болып өтти.

Оған Қарақалпақ мәмлекетлик университети, Нөкис мәмлекетлик педагогикалық институты, Қарақалпақстан медицина институты, Ташкент информациялық технологиялар университетиниң Нөкис филиалы, Қарақалпақстан аўыл хожалығы ҳәм агротехнологиялар институты, Өзбекстан мәмлекетлик көркем өнер ҳәм мәденият институтының Нөкис филиалы, Наўайы мәмлекетлик кәншилик институтының Нөкис филиалы, Өзбекстан мәмлекетлик денетәрбия ҳәм спорт университетиниң Нөкис филиалы, Самарқанд ветеринария медицинасы институтының Нөкис филиалы, Өзбекстан мәмлекетлик консерваториясының Нөкис филиалы студентлери қатнасты.

Онда ер балалар арасында 1-орынды ҚМУ студенти М.Арсланбаев, 2-орынды ӨзМДТСУ НФ студенти Б.Пардайев, 3-орынды НМКИ НФ студенти Ж.Уразбаев, қызлар арасында 1-орынды НМПИ студенти К.Досжанова, 2-орынды НМПИ студенти А.Жангабайева ҳәм 3-орынды ҚМУ студенти Ш.Абдурахимовалар ийелеп, жарыс жуўмағында жеңимпазлар диплом ҳәм медальлар менен сыйлықланды.

Шахноза-Бану Абдуллаева,
ⱩМУ қарақалпақ филологиясы ҳәм журналистика факультетиниң 1-курс студенти

Ⱪарақалпақстан хабар агентлиги