Қараөзек районында спорттыӊ футбол ҳәм киши футбол түри бойынша Мәмлекетлик қәўипсизлик хызмети кубоги ушын мәкан ҳәм аўыл пуқаралар жыйынларынан дүзилген командалар арасында жарыс өткерилди.
Жарысқа улыўма 26 команда қатнасып, кубок ушын өткерилген ойынлар оғада қызықлы болып өтти.
Жарыс соӊында киши футбол бойынша барлық қарсыласларынан үстин келген “Ғәрезсизлик гүзары” мәкан пуқаралар жыйыны командасы 1-орынды, футбол түринен болса, “Академик С. Камалов” аўыл пуқаралар жыйыны футболшылары 1-орынды ийелеп, шөлкемлестириўшилер тәрепинен таярланған арнаўлы кубок ҳәм дәрежели Дипломлар ҳәм естелик саўғалар менен сыйлықланып, жарыстыӊ республикалық басқышына жолламаны қолға киргизди.
Адилбай Оразов,
Қарақалпақстан хабар агентлиги шолыўшысы