Реимбаев Адилбек Рузимухаммадович Қарақалпақстан Республикасы Суў хожалығы министри ўазыйпасын атқарыўшысы етип тайынланды. Бул ҳаққында министрликтиң баспасөз хызмети хабар берди.
А.Реимбаев 2000-жыл Ташкент ирригация ҳәм аўыл хожалығын механизациялаў инженерлери институтын питкерген. Мағлыўматы бойынша қәнигелиги – агроинженер.
Мийнет жолы даўамында Қарақалпақстан Республикасы Жоқарғы Кеңесинде, Төменги Әмиўдәрья, «Пахтаарна-Найман» ирригациялық системаларында жуўапкер лаўазымларда, сондай-ақ, Қарақалпақстан Республикасы Суў хожалығы министриниң орынбасары лаўазымында жумыс ислеген.
Мағлыўмат орнында атап өтиў керек, А.Реимбаев 2020-жылдан усы күнге шекем Өзбекстан Республикасы Президенти жанындағы Мәмлекетлик хызметти раўажландырыў агентлиги Қарақалпакстан Республикасы баслығының орынбасары лаўазымында жумыс ислеген.
Қарақалпақстан хабар агентлиги.