2021-2022-оқыў жылының ақырында 5-6-7-8- ҳәм 10-класслардың басқышлы имтиханлары өткерилмейди.
Бул ҳаққында МҒКАда өткерилген брифингте Халық билимлендириў министрлиги мәлимлеме хызметиниң басшысы Лайло Рустамова мәлим етти.
Улыўма билимлендириў мәкемелеринде оқыў сабақлары 2022-жыл 25-май күни жуўмақланады ҳәм 9- ҳәм 11-класс оқыўшыларының жуўмақлаўшы қадағалаў имтиханлары 26-майдан 15-июньге шекем өткериледи.
Байрам мүнәсибети менен қосымша дем алыс күнлерин инабатқа алған ҳалда улыўма орта билимлендириў мәкемелериниң 9-класс оқыўшылары ушын «Денетәрбия» пәнинен жуўмақлаўшы қадағалаў имтиханлары усы жылдың 2-7-май сәнелеринен 11-14-май күнлерине көшириледи.
Быйылғы оқыў жылының ақырында 5-6-7-8- және 10-класслардың басқышлы имтиханлары өткерилмейди. Қәнигелестирилген мәмлекетлик улыўма билимлендириў мәкемелери ҳәм мектеп-интернатларында болса басқышлы имтиханлар олардың ишки режелерине муўапық қәнигелесиў пәнлери шеңберинде әмелге асырылады.
Қарақалпақстан хабар агентилиги