Калифорния штатының Лос-Анжелес ҳәкимшилик орайында жайласқан кино өнери ҳәм илимлери академиясында «Оскар» сыйлығына  талабанлар жәрияланды. ВВСдиң берген хабарына бола, 94-сыйлықлаў мәресими болып өтти.

Оған бола, «Узақ хошласыў» – ең жақсы қысқа метражлы фильм деп табылған. «Баскетбол мәлийкасы» болса – ең қысқа метражлы ҳүжжетли фильм болды.

Сондай-ақ, «Айна тазалаўшы» – ең жақсы қысқа метражлы анимациялық фильм, «Энканто» (Disney) – ең жақсы анимациялық фильм, «Машинамды айда» (Рюсукэ Хамагути, Япония) – ең жақсы шет ел фильми ҳәм «Қәлбдеги жаз» – ең жақсы ҳүжжетли фильм номинациясына ылайық табылды.

Америкалы актёр ҳәм режиссёр Трой Коцур – «CODA» фильминдеги әкениң ролин ойнағаны ушын ең жақсы жәрдемши актёр сыйлығын қолға киргизген.

Сондай-ақ, «Круэлла» ең жақсы костюмлар ушын;

«Белфаст» (режиссёр Кеннет Брана) – ең жақсы сценарий, «CODA» – ең жақсы бейимлестирилген сценарий;

«Дюна» – ең жақсы сести редакторлаў;

Билли Айлиш ҳәм Финнеас ОˊКоннелл «Өлетуғын ўақыт емес» («Өлетуғын ўақыт емес» фильмине саутрек) – ең жақсы қосық;

Жейн Кэмпион «Ийттиң қүдирети» фильми ушын ең жақсы режиссёр деп жәрияланған.   

Қарақалпақстан хабар агентлиги