Венгрия пайтахты Будапешт қаласында Пүткил жер жүзилик шахмат Олимпиадасы қызғын даўам етпекте.
15-сентябрь күни өткерилген 5-турда Өзбекстан ерлер сайланды командасы молдовалы шахматшылар менен күш сынасып, онда 3,5 : 0,5 есабында жеңиске еристи.
Ал, қызлар сайланды командамыз болса, турнирдиң ең күшли командаларының бири Грузия сайланды командасы менен ушырасып, оларға 1,5 : 2,5 есабында жеңилип қалды.
Өзбекстан ерлер сайланды командасы өткерилген 5-турдан соң 7-орында, қызлар сайланды командасы болса, 15-орынды ийелеп тур.
Бүгин шахмат Олимпиадасында 6-тур ойынлары өткерилип, жигитлеримиз Израил, қызларымыз Нидерландия сайланды командасы менен өз-ара беллеседи.
Адилбай Оразов,
Қарақалпақстан хабар агентлиги шолыўшысы