Футзал бойынша жәҳән чемпионаты «Д» топарындағы екинши ушырасыўда күтилмеген нәтийже болды. Себеби, топар фаворити есапланған Испания Қазақстан футзалшыларын жеңе алмады. Қазақстан – Испания арасындағы ушырасыў 1:1 есабында жуўмақланды.
Ойынның дәслепки минутларында қазақстанлы футзалшылар тез гол урып есапты ашқан болса, соң испанлар есапты теңлестирди. Усы тәризде дәрўазаларға басқа гол киргизилмеди.
Ойын даўамында жүдә көп қәўипли жағдайларды қайтарған Қазақстан сайланды командасы дәрўазаманы Игита ушырасыўдың ең жақсы ойыншысы, деп табылды.
Әндижандағы Универсал спорт комплексинде болып атырған «Д» топары командалары арасындағы екинши тур ойынлары 18-сентябрь күни болып өтеди.
Ф. Убайдуллаев,
З. Умрзоқов (фото),
ӨзА ның хабаршылары