Усы жылдың 10 айы даўамында Қарақалпақстан Республикасындағы салық төлеўшилер тәрепинен 2 трлн. 49,4 миллиард. сум муғдарында салық төленип, белгиленген прогноз режеси 94.5 млрд. сум муғдарында артығы менен орынланған ҳәм өткен жылдың усы дәўирине салыстырғанда 108.4 процентке өсиўине ерисилген.

– Бюджетке бағдарланған қаржылардың тийкарғы бөлеги 1 трлн. 592 миллиард сум болды. Оның 77.7 проценти юридикалық, 22,2 проценти  физикалық тәреплердиң есабына туўра келди,-дейди Қарақалпақстан Республикасы мәмлекетлик салық басқармасының бөлим баслығы С.Сабиров.

Салық түрлери бойынша таллап қаралғанда, өткен жылдың усы дәўирине салыстырмалы 7 салық түринде өсиў болды.

Атап айтқанда, жер астынан пайдаланғанлығы ушын салық 20 млрд. 68,0 млн. сумға (121,7 %), физикалық тәреплерден алынатуғын мүлк салығы 54 млрд. 785,1 млн. сумға (138,4 %), физикалық тәреплерден алынатуғын дәрамат салығы 784 млрд. 925,3 млн. сумға (121,6 %), физикалық тәреплерден алынатуғын жер салығы 179 млрд. 430,9 млн. сумға (117,2 %), суў ресурсларынан пайдаланғанлығы ушын салық 20 млрд. 399,8 млн. сумға (212 %) өсти.

Сондай-ақ, акциз салығы 145 млрд. 713,5 млн. сумға (114,9 %), жеке тәртиптеги исбилерменлерге қатаң белгиленген салық 12 млрд. 892,8 млн. сумға (104,4 %), физикалық тәреплерден алынатуғын дәрамат салығы 139 млрд. 236,6 млн. сумға (121,6 %) өсти.

Қарақалпақстан хабар агентлиги