Қарақалпақстан Республикасы Денсаўлықты сақлаў министрлиги тәрепинен “Балалар – бизиӊ бахтымыз” атамасында халықаралық қайырқомлық акциясы шөлкемлестирилмекте.
Бул акцияға россиялы белгили хирург Юрий Андреевич Козлов республикамызға мирәт етилген. Ол медицина илимлериниӊ докторы, жоқары категориялы балалар хирурги, Россияда хызмет көрсеткен шыпакер, “Россияныӊ еӊ жақсы шыпакери” таӊлаўыныӊ жеӊимпазы. Соныӊ менен бирге, Россия балалар хирурглары ассоциациясы (РАДХ), Европа балалар хирурглары ассоциациясы (ЕУПСА), Тыныш океаны балалар хирурглары ассоциациясы (ПАПС) ҳәм халық аралық педиатрия эндохирурглары ассоциациясы (ИПЕГ), 2022-жылдан Россия Илимлер академиясыныӊ хабаршы ағзасы болып табылады.
Россиялы балалар шыпакери буннан алдын да Өзбекстанда болып, бир неше қыйын хирургиялық операцияларды ислеген. Бул реттеги сапарында Қарақалпақстан медицина институтыныӊ балалар клиникасында усы жыл 29-апрельден 2-майға шекем хирургиялық операцияларға мүтәжлиги бар балаларды медициналық тексериўден өткереди.
Қарақалпақстан хабар агентлиги