Бу каби фикрлар “Терроризмга олиб келувчи тажовузкор экстремизм ва радикализмнинг олдини олиш ҳамда уларга қарши курашишда ёшларнинг роли” мавзуидаги халқаро конференцияси доирасида билдирилди.
Олий Мажлис Қонунчилик палатаси депутатининг қайд этишича, интернет тармоқларининг асосий фойдаланувчилари, қолаверса, ишлаш мақсадида чет элларга кетаётганларнинг аксариятини ёшлар ташкил қилади. Тажовузкор экстремизм ва радикализмнинг олдини олиш ҳамда уларга қарши курашишда бу жиҳатлар эътибордан четда қолмаслиги керак.
Ёш депутат экстремистлар фаолияти ва уларнинг маънавий қиёфасини тасвирлаш ҳақида гапирар экан, бунда динни сабаб қилиб қўрсатмаслик, аксинча инсонпарварлик ғояларига таянган ҳолда ёндашиш кераклигини таъкидлади.
Дилобар Маматова, ЎзА