Украинада давлат хизматчилари ва мамлакат фуқаролигини олишга даъвогарлар украин тилидан мажбурий имтиҳондан ўтиши тартиби жорий қилиниши мумкин.
“РИА Новости” хабарига кўра, бу ҳақда давлат тилини ҳимоя қилиш бўйича ваколатли вакил Тарас Креминь маълумот берган.
Аввалроқ, давлат тилининг жорий қилиниши бўйича қонун қабул қилинган. 2019 йилда эса, янги сайланган президент Владимир Зеленский давлат тили ҳақидаги қонун конституцияга мувофиқ синчков таҳлилдан ўтказилиши кераклигини, мазкур қонун жамоатчиликнинг кенг муҳокамасига қўйилмасдан қабул қилинганини таъкидлаганди.