“Ўзбекгидроэнерго” акциядорлик жамиятининг тизим ташкилоти “Гидропроект” юртимизда барпо этилаётган микро, мини, кичик ва йирик ГЭСларни лойиҳалаштириш борасида хорижий давлатлар мутахассислари билан соҳада инновацион технологияларни қўллаш борасида ўзаро фикр алмашиш чорасини кўрмоқда.
Хусусан, “Ўзбекгидроэнерго” ташаббуси билан Россиянинг “Ленгидропроект”, “Ингеопроект” жамияти, Москва Гидропроект институти, Москва давлат қурилиш университетининг гидротехника ва энергетика қурилиши институти, Украинанинг “Укргидропроект”, “Гидропроект” жамиятлари вакиллари билан мунтазам учрашувлар ташкил этиб келинмоқда.
“Пскем” ГЭСида олиб борилаётган қурилиш жараёнлари билан яқиндан таништириш мақсадида учрашув ташкил этилди. Ўтказилган икки кунлик ташриф сўнгида хорижлик мутахассислар мазкур ташаббус учун миннатдорлик билдириб, ҳамкорлик ишларини янада кенгайтириш истагини билдирди. Ўзаро ҳамкорлик борасида янги лойиҳалар келишиб олинди.
ЎзА