2028 йил Лос-Анжелесда ўтадиган ёзги Олимпия ва Паралимпия ўйинларининг ўтказилиш саналари эълон қилинди.
Бу ҳақда Халқаро Паралимпия қўмитаси сайти хабар берди.
Ёзги Паралимпия ўйинлари 2028 йилнинг 15-27 август кунлари, ёзги Олимпия ўйинлари эса 14-30 июль кунлари ўтказилиши белгиланди, дейилади хабарда.
АҚШнинг Лос-Анжелес шаҳри 1932 ва 1984 йиллари Олимпия ўйинларига мезбонлик қилган. Ёзги Паралимпия ўйинлари эса ушбу шаҳарда илк бор ташкил этилмоқда.
ЎзА