БМТ Хавфсизлик Кенгаши 24 февралда вазирлар даражасида мажлис ўтказишни режалаштирган, якуний таркибга аниқлик киритилмоқда. Бу ҳақда Мальтанинг БМТдаги доимий вакили Ванесса Фрезьер матбуот анжуманида маълум қилди. Мазкур тадбир бу ой Мальтанинг Хавфсизлик Кенгашига раислик қилишига бағишланди.
«Биз ҳозирча айнан ким иштирок этишини айта олмаймиз, лекин кўп вазирлар иштирок этади», – деди у.
Фрезьернинг қўшимча қилишича, мажлисда Украинанинг иштирок этиш даражаси ҳозирча аниқлаб олинмоқда.
«Мен хавфсизлик нуқтаи-назаридан ва бошқа сабабларга кўра, Украина қай даражада иштирок этиши ҳақида айта олмайман», – деди у 24 февралда бўлиб ўтадиган мажлисда Украина Президенти Владимир Зеленский ҳам иштирок этадими, деб берилган саволга жавоб берар экан.