“Корея Республикаси-Марказий Осиё” Ҳамкорлик форуми Котибияти ижрочи директори, Корея жамғармаси вице-президенти Ли Чон Гук “Ўзбекистон – Корея: келажакка назар” экспертлар форумида бугунги кунда инсон капитали алмашинуви бўйича ҳамкорликни чуқурлаштириш лойиҳалари кенг кўламда амалга оширилаётганини таъкидлади.
Экспертнинг сўзларига кўра, бугунги кунда Жанубий Кореяда истиқомат қилаётган Ўзбекистон фуқаролари сони 75 мингга етган, Ўзбекистонда 180 минг корейс яшайди. Икки давлат ўртасида йиллик инсон капитали алмашинуви эса 25 минг кишини ташкил этади.
Ли Чон Гук Ўзбекистон ва Корея ўртасидаги дипломатик ва сиёсий алоқани янада ривожлантириш икки томонлама инсоний муносабатларни янада фаоллаштиришга сезиларли туртки беришига ишонч билдиради.
ЎзА