2024-jıldıӊ oktyabr ayı aqırında Kongo Demokratiyalıq Respublikasında námálim kesellik tarqalıp, kóplegen nawqaslardıӊ ólimine sebep bolǵan edi. Itibarlı tárepi, nawqaslardıӊ kópshiligi 15 jastan ótken jas óspirimler edi.

USA Today Kongo DR densawlıqtı saqlaw ministrligine tiykarlanıp jazıwınsha, Kvango (Kongo) provinciyasındaǵı Panzi medicina-sanitariya zonasında anıqlanǵan námálim kesellik bezgektiӊ awır túri bolıp shıqtı. Ol respirator (dem alıw jolları arqalı júriwshi) kesellik.
«Kongo DR húkimeti rásmiy maǵlıwmatına bola, kesellengenlerdiӊ sanı jámi 593, olardan 36 sı qaytıs bolǵan. Óz gezeginde, aldınıraq Kongo provinciyası hákimshiligi 143 adam ólgenin málim etken edi», — deyiledi xabarda.
Bezgek – eӊ keӊ tarqalǵan juqpalı keselliklerden biri. JDSSh maǵlıwmatına bola, hár jılı dúnyada 620 mıӊ adam, tiykarınan balalar bezgek keselliginen qaytıs boladı. Ólim halatlarınıӊ 93 procenti Afrika mámleketlerine tuwra keledi, dep málimleme beredi xabar.uz

Qaraqalpaqstan xabar agentligi