Salıq komitetiniń málim etiwinshe, búgingi kúnge shekem, shet tilleri boyınsha xalıqaralıq imtixan sistemalarınan S1 dárejesindegi sertifikat alǵan 36,7 mıń jasqa 67,6 mlrd. sum imtixan tapsırıw qárejetleri qaplap berildi.

Sonday-aq, elimizdiń alıs hám shetki aymaqlarındaǵı jaslarǵa shet tillerin oqıtıwǵa qaratılǵan «Imkaniyat» joybarı arqalı 58 oqıw orayına 2,9 mlrd. sum (hár birine 50 mln.sumnan) ssuda qarjıları ajıratılıp, qosımsha 250 jańa jumıs ornı jaratıldı.
Joybarlardı tabıslı tamamlaǵan 2 mıń jas jumıs penen támiyinlenip, eń kemi menen 5 mln.sum aylıq dáramat tappaqta. Olardıń 700i xalıqaralıq imtixan sistemalarınan S1 dárejesindegi sertifikatqa iye boldı.
«Ibrat perzentleri» joybarı arqalı 1,4 mln. jas 23 shet tillerin turaqlı túrde úyrenbekte, sonnan 105 mıńǵa shamalas jaslar belgilengen kurstı tabıslı tamamlap, V2 dárejesindegi sertifikattı qolǵa kirgizdi.
Tek ǵana IELTS sertifikatı boyınsha Britaniya keńesiniń usı jıl 10-dekabrdegi maǵlıwmatına bola, 5,5 hám onnan joqarı ball alǵan jaslardıń sanı 2020-jılı 10 152 jastı quraǵan bolsa, bıyılǵı jılı 52 706ǵa jetken. Yaǵnıy 4 jılda 5 esege ósiw baqlanǵan.
Sonday-aq, 7-8 ball (S1 dáreje) dı qolǵa kirgizgenlerdiń sanı 2020-jılı 1 807 jastı quraǵan bolsa, 2024-jılǵa kelip 13 424ti quramaqta. Óz gezeginde bul 7,4 esege ósiw baqlanǵanın ańlatadı.
Qalaberdi, 8,5-9 ball (S2 dáreje)ǵa eriskenlerdiń sanı bolsa 2020-jılı 14 bolǵan, 2024-jılǵa kelip olardıń sanı 332ge jetken.

Sh.Mamaturopova, ÓzA