Prezidentimiz usı jıl 20-21-yanvar` ku`nleri respublikamızg`a saparı dawamında Qaraqalpaqstan Respublikasında 2017-jıldın` bag`darlamasına qosımsha tu`rde 400 jan`alang`an u`lgi joybarlar tiykarında arzan turaq jaylar qurıw boyınsha da tapsırmalar berip, «Qishloq qurilish invest» JShJ injiniring kompaniyasının` Qaraqalpaqstan filialı ta`repinen bul bag`dardag`ı jumıslar o`z waqtında na`tiyjeli tu`rde baslap jiberilgen edi.

Olar ta`repinen Qaraqalpaqstan Respublikası ma`mleketlik arxitektura ha`m qurılıs komiteti, rayon ha`kimlikleri menen birlikte 2017-jıldın` bag`darlamasına qosımsha tu`rde 400 jan`alang`an u`lgi joybarlar tiykarında arzan turaq jaylar qurıw ushın massivler tan`landı. Qurılıs ushın arnawlı jer ajıratıw boyınsha qararlar qabıl etilip, arxitekturalıq rejelestiriw tapsırmaları tayarlandı. «Qishloq qurilish loyiha» JShJ Qaraqalpaqstan filialı menen birlikte joybarlaw-smeta hu`jjetleri tayarlanıp, tan`lang`an massivlerge bo`listiriw jumısları alıp barıldı. Og`an bola, qurılıs jumısları A`miwda`r`ya rayonı Chaykwl massivindegi «Yuqori tulug`a» APJda 60, Qıpshaq massivindegi «Beshtom» APJda 15, Beruniy rayonı Shabbaz massivindegi «Asqar» APJda 35,                   «Xorezm» MPJda 15, Kegeyli rayonı Aqtuba massivindegi «M.Jumanazarov» APJda 12, Qon`ırat rayonı Mın`jarg`an MPJda 50, Elabad massivi «Elabad» elatında 5, No`kis rayonı Samanbay massivi «Uzınko`l-3» APJda 37, Arbashı massivi «No`kis» APJda 8, To`rtku`l rayonı Shodlik MPJda 60, Shımbay rayonı «Konshi» MPJda 10, Ellikqala rayonı Ellikqala massivi «Ellikqala» APJda 25, Sarabiy massivi «Sarabiy», Qırıq qız massivi «Qırıq qız» APJlarının` ha`r birinde 10, ja`mi 352 bir qabatlı 2, 3 xanalı jaylardın` qurılıs jumısları qızg`ın tu`rde alıp barılmaqta.

Al, Qarao`zek rayonı «Qutlıma`kan» MPJda, Kegeyli rayonı Kegeyli massivi «Kegeyli» elatında, Taxtako`pir rayonı «G`a`rezsizlik» MPJ larında  2 qabatlı 4 pod`ezdli 2, 3 xanalı 16 jaydan ja`mi 48 jay salınbaqta.

Usılar qatarında bu`gingi ku`nde Shomanay rayonındag`ı qurılıs jumısları da ha`wijge mindi.

Reje boyınsha rayon orayının` Nawayı ko`shesi boyında eki qabatlı 16 xanalı bahası 1 milliard 284,62 million sumlıq 1, Mamıy APJ aymag`ında 1 qabatlı 3 xanalı bahası 1 milliard 153,9 million sumlıq          10 turaq jaydın`, Monshaqlı MPJ aymag`ındag`ı O`zbekistan ko`shesi boyında 9 xanalı bahası 1 milliard 054,9 million sumlıq 5 xızmet u`yinin` qurılısı o`z waqtında baslanıp, boy tiklemekte. Ha`zirgi waqıtta usı          3 ob`ektte sıbaw, boyaw, pollaw sıyaqlı jumıslar qızg`ın tu`rde alıp barılmaqta. Abadanlastırıw jumısları ju`rgizilmekte.

Bul bag`dardag`ı jumıslar na`tiyjeli dawam etpekte.

A`.Jiemuratov,

Qaraqalpaqstan xabar agentliginin` xabarshısı