Farmacevtika ónimlerin islep shıǵıw, tarqatıw hám innovaciyalardı rawajlandırıw boyınsha mámleketimiz kóplegen mámleketler menen nátiyjeli birge islesiwdi jolǵa qoyıp kelmekte.

Farmacevtika tarmaǵın rawajlandırıw agentliginiń direktorı Abdulla Azizov “ACDIMA” (Arab Company for Drug Industries and Medical Appliances) kompaniyasınıń wákilleri menen ushırasıw ótkerdi.
“ACDIMA” farmacevtika tarawında jetekshi kompaniyalardan biri bolıp, regionallıq hám xalıqaralıq bazarlarda joqarı sapalı dári-dármaqlar, medicinalıq ásbap-úskeneler hám biotexnologiyalıq ónimlerdi islep shıǵarıwda jumıs alıp baradı. Kompaniya óziniń aldınǵı texnologiyaları, maman kadrlar bazası hám innovaciyalıq joybarlarǵa sadıqlıǵı menen tanılǵan.
Óz-ara birge islesiw imkaniyatları dodalanǵan ushırasıwda “ACDIMA” kompaniyasınıń wákilleri jergilikli birge islesiwshiler menen birgeliktegi investiciyalardı úyreniw, jańa baǵdarlardı anıqlaw hám imkaniyatlardı nátiyjeli rawajlandırıw boyınsha óz qızıǵıwshılıqların bildirdi.

ÓzA