Elimiz boylap Jańa jıl bayramı aldınan balalarǵa arnalǵan kewilashar ilajlardıń ótkeriliwi dawam etpekte.
Búgin, Shomanay rayonı hákimligi aldındaǵı maydanshada balalar ushın arnalǵan bayram sawǵaların tapsırıw máresimi bolıp ótti.

Máresimde rayon hákimi A.Ametov jıynalǵanlardı Jańa jıl bayramı menen qızǵın qutlıqlap, jaqsı tileklerin bildirdi.
Onda sektor baslıqları hám tiyisli uyımlardıń wákilleri qatnasıp, jámi 5 balaǵa “Prezident sawǵası” tapsırıldı.
Bul sawǵalar ata-anasınan erte ayırılǵan, qarawsız qalǵan hám sociallıq qorǵawǵa mútáj bolǵan balalarǵa berildi.
Elimiz boylap ótkerilip atırǵan bunday ilajlardan tiykarǵı maqset – balalarǵa ǵamxorlıq hám itibardı kórsetiw, bayramda olardı quwantıw bolıp, usınday ilajlar arqalı olardıń turmısında jaqsı ózgerislerdi júzege keltiriw ushın áhmiyetli qádem bolıp esaplanadı.

Qaraqalpaqstan xabar agentligi.