Trustlook Labs korporaciyasınıń qánigeleri uyalı telefonlardaǵı barlıq messendjerdegi maǵlıwmatlardı urlaytuǵın virustı anıqladı. Bul haqqında korporaciya blogında xabar berilgen. Virus telefonlardaǵı antivirustı shetlep ótip, sistemaǵa óziniń anıqlaw kodın kórsetpeydi. Bul virus telefonlardaǵı Telegram, Viber, Facebook, Messenger, Skype, Line hám basqa da messendjerlerdegi maǵlıwmatlardı urlaydı. Qánigelerdiń bildiriwinshe, kiber jınayatshılar alınǵan maǵlıwmatlar arqalı telefon iyesine basım ótkeriw ushın paydalanadı.

Kiber qáwipsizlik boyınsha qánigeler zıyanlı baǵdarlamanı birinshi bolıp Qıtaydıń Cloud Module baǵdarlamasında anıqlaǵan. Virustı ózinde saqlawshı paket com.android.boxa dep ataladı. Ol Android baǵdarlaması hám basqa baǵdarlamalardıń internet-magazinleri arqalı tarqalıwı múmkin ekenligi aytılmaqta.

Islam Matekov,

Qaraqalpaqstan xabar agentliginiń sholıwshısı.