Tailand 2025-jıldıń 1-yanvarınan baslap mámleketke kiriw ushın elektron viza sistemasına (e-visa) ótedi.

– Bul viza sisteması Tailandtıń barlıq 94 elshixanası hám bas konsullıqlarında isleydi, dedi mámlekettiń sırtqı isler ministri Marit Sangemphong baspasóz ánjumanında. – Bul vizanı alıwǵa baylanıslı barlıq háreketler, sonıń ishinde, hújjetlerdi toltırıw kúnniń qálegen waqtında hám dúnyanıń qálegen jerinde onlayn túrde ámelge asırılatuǵının ańlatadı.
Sonday-aq, ministr viza smartfon, planshet yamasa kompyuterge júklep alınatuǵın hám úlkege kiriwde pasport qadaǵalawı waqtında kórsetiliwi kerek bolǵan súwret faylı kórinisinde bolatuǵının aytqan.
– Onıń ushın veb-saytqa kirip, kerekli hújjetlerdiń skanerin qosımsha etken halda anketanı toltırıwıńız hám tapsırıwıńız kerek boladı, – degen ol.
Tailand SIM baslıǵınıń atap ótiwinshe, sistema aldınǵı málimleme texnologiyaları tiykarında kórilgen bolıp, ol jedellik penen rásmiylestiriliwi hám vizalar beriliwin, sonday-aq, qáwipsizlik hám zárúr emmigraciyalıq qadaǵalawdı támiyinleydi.
-Еlektron vizaǵa ótiw Tailandqa kelip atırǵan sırt el puqaraları sanınıń turaqlı artıwına alıp keletuǵınına gúman joq, – dep juwmaqladı ol.

S.Rahimov, ÓzA