Senatqa Migraciya boyınsha xalıqaralıq shólkemniӊ Ózbekstandaǵı missiyasınıӊ basshısı Еndryu Grey keldi.

Senat Baslıǵı Tanzila Norboeva menen sóylesiw dawamında Ózbekstannıӊ Migraciya boyınsha xalıqaralıq shólkem menen alıp barıp atırǵan jedel birge islesiwi atap ótildi. Shólkemniӊ qáwipsiz, tártipli hám turaqlı migraciyanı úgit-násiyatlaw boyınsha jumısı Ózbekstannıӊ milliy áhmiyetli baǵdarlarına tolıq sáykes keletuǵını atap ótildi.
Keyingi jılları Prezident Shavkat Mirziyoevtiӊ basshılıǵında Ózbekstanda migraciya tarawındaǵı jumıslarǵa mámleketlik siyasat dárejesinde ayrıqsha itibar qaratılıp atırǵanı, bul baǵdarda 2019-jılı Migraciya boyınsha xalıqaralıq shólkemniӊ tolıq aǵzası sıpatında birge islesiw baylanısları jolǵa qoyılǵanı atap ótildi.
Miynet migraciyası processlerin tártipke salıw hám jaӊa mexanizmlerdi ámeliyatqa engiziw maqsetinde 16 normativlik huqıqıy hújjet qabıl etilgen.
Jaӊa jumısqa jaylasıw mexanizmleri engizilgeni, bilimlendiriw baǵdarlamaları, jeӊillikli kreditlew hám Watanǵa qaytqan migrantlardı qollap-quwatlaw sistemaları shólkemlestirilgeni aytıp ótildi.
Ózbekstan miynet migraciyası bazarların diversifikaciyalaw, dástúriy baǵdarlarǵa baylanıslıqtı azaytıw hám migrantlardıӊ sociallıq qorǵalıwın támiyinlewdi kúsheytiw baǵdarında pikir alısıldı.
Ushırasıw dawamında tárepler migraciya basqarıwın jetilistiriw, qáwipsiz hám tártipke salınatuǵın migraciya processlerin támiyinlew, migrantlardıӊ huqıqların qorǵawǵa qaratılǵan ámeliy ilajlardı kóriw boyınsha jáne de jedel ijumıs alıp barıwdan mápdar ekenin bildirdi.

N.Abduraimova, ÓzA