Kegeyli rayonında gúzgi-qısqı máwsimde ayrıqsha jaǵdaylardıń aldın alıw boyınsha rayon aymaǵında shólkemlestirilgen arnawlı shtab aǵzaları hám tiyisli taraw wákilleri menen birgelikte profilaktikalıq ilaj bolıp ótti.
Ilajda Qaraqalpaqstan Respublikası Ministrler Keńesiniń korrupciyaǵa qarsı ishki qadaǵalaw bólimi baslıǵı, respublikalıq jumısshı topar aǵzası B.Matmuratov qatnasıp, gúzgi-qısqı máwsimdi shıǵınsız ótkeriw, kóp qabatlı turaq jaylardaǵı avariyalıq jaǵdaylardı operativ túrde saplastırıw hám sociallıq obyektlerde xalıq ushın qolaylı sharayatlardı jaratıw hám puqaralardıń záhárli gazden zıyanlanıwınıń aldın alıw máseleleri boyınsha másláhátler berip ótti.
Ilaj dawamında jumısshı topar aǵzaları rayonnıń bir qatar aymaqlarında bolıp, puqaralar menen ushırasıp, usı máseleler boyınsha úgit-násiyat jumısların alıp bardı.
Usı mazmundaǵı profilaktikalıq ilajlar respublikamızdıń barlıq aymaqlarında bolıp ótpekte.
Qaraqalpaqstan xabar agentligi