Ózbekstan áskeriy xızmetkerleriniń xızmet múddeti uzaytıldı hám bul arqalı olardıń pensiya jası ja uzaytıldı, dep jazadı Kun.uz saytı.
Ózbekstan Respublikasınıń «Ulıwmalıq áskeriy minnetleme hám áskeriy xızmet haqqında»ǵı hám «Ózbekstan Respublikası Qurallı kúshleriniń rezervinde xızmet etiw haqqında»ǵı nızamlarına kirgizilip atırǵan ózgerisler 2018-jıldıń 19-oktyabrinen kúshke kiredi.
Hújjetlerge muwapıq, kishi oficerler (leytenant, aǵa leytenant, kapitan, kapitan-leytenant) ushın xızmettiń sońǵı múddeti eki jılǵa – 43 jastan 45 jasqa uzaytılǵan.
Barlıq aǵa oficerler (mayor, podpolkovnik, polkovnik, 3-, 2-, 1-dárejeli kapitanlar) ushın pensiya jası 50 jastı quraydı. Aldın mayorlar, podpolkovnik hám 3- jáne 2-dárejeli kapitanlar 45 jastan pensiyaǵa shıǵıwı múmkin edi.
Generallar quramınıń maksimal jası burınǵısınday – 60 jas dárejesinde qalǵan.
Sonday-aq, rezervtegi áskerler razryadında bolıw jasına da ózgeris kirgizildi.
Qaraqalpaqstan xabar agentligi