Búgin, 24-dekabr sánesinde NASA kosmoslıq kemesi – Parker Solar Probe Quyashqa eń jaqın aralıqqa barıwı kútilmekte. Zond juldız atosferasına kirip, onıń sırtınan 6 mln km qashıqta ushıp ótedi – ele insan qolı menen jaratılǵan hesh bir dene Quyashqa bunshelli jaqınlaspaǵan.

Qánigelerdiń aytıwınsha, aldınǵı kemelerge qaraǵanda, Parker Solar Probe Quyashqa jeti esege jaqınıraq baradı, zondtıń tezligi saatına 690 mıń kilometrdi quraydı.
Qurılma Celsiy boyınsha 1371 dárejege shekem ıssılıqqa shıdam beretuǵın qalqan menen qorǵalǵan.
Parker Solar Probe Quyash sırtı haqqındaǵı maǵlıwmat tolaydı, eger 27-dekabrde onıń mayak signalı Jerge jetip kelse, ol jumıs islep atırǵanı hám missiya dawam etip atırǵanın ańlatadı.

I. Uteuliev,
QMU, jurnalistika qánigeligi
3-b-kurs studenti
Qaraqalpaqstan xabar agentligi