Oliy Majlis Nızamshılıq palatasınıń májilisinde operativ-izlew hám tergew jumısında shaxstıń huqıqları menen erkinliklerin isenimli qorǵaw kepilliklerin jáne de kúsheytiwge qaratılǵan nızam joybarı ekinshi oqıwda dodalandı.

— Mámleketimizde insan huqıqların qorǵaw sistemasın «Insan qádiri ushın» principi tiykarında jańa basqıshqa kóteriw, sud hám huqıq qorǵaw uyımlarınıń jumısında shaxstıń huqıq hám erkinlikleri qorǵalıwınıń kepilliklerin kúsheytiw, xalıqtıń huqıq qorǵaw sistemasına bolǵan isenimin bekkemlewge qaratılǵan keń kólemli jumıslar alıp barılmaqta, – dedi deputat Davron Aripov. – Bul nızam joybarı menen jınayat isleri boyınsha rayonlıq, qalalıq sudlarında óz aldına sudyalar- tergew sudyaları lawazımın engiziw hám olar tárepinen jınayat isleri boyınsha sudqa shekem is júrgiziw dáwirinde processual qararlarǵa sankciya beriw názerde tutılmaqta. Nızam joybarınıń qabıl etiliwi shaxstıń huqıqları menen erkinliklerin isenimli qorǵaw kepilliklerin jáne de kúsheytiwge hám jınayat isleri boyınsha sudqa shekem is júrgiziw dáwirinde de shaxs sud qorǵawı astında bolatuǵının támiyinlewge xızmet etedi.
Dodalawlarda bir qatar sorawlar ortaǵa taslandı, juwapkerler xalıq wákilleriniń sorawlarına juwap berdi. Soraw-juwaplardan soń nızam joybarı deputatlar tárepinen qabıl etildi.

M.Komilova, ÓzA