“Oʻzbekneftgaz” AJ “UNG” milliy brendi ostidagi yoqilgʻi quyish shoxobchalari tarmogʻida Ai-92 markali benzin va Yevropa standartlariga javob beruvchi dizel yoqilgʻisi sotuvini yoʻlga qoʻyganligi haqida avval xabar berilgan edi.
Xabar berilishicha, 2020-yilning 26-mart kunidan eʼtiboran Ai-92 markali benzinning narxi 6 200 soʻmdan 6000 soʻmga pasaytirilgandi. 29-apreldan esa bu mahsulotning narxi 5 500 soʻm deb belgilandi.
15-may kunidan boshlab Ai-92 markazi benzin narxi yana 500 soʻmga arzonlashtirildi va 5000 soʻm qilib belgilandi.
Eslatib oʻtamiz, Ai-80 markali benzin narxi “Oʻzbekneftgaz” AJga qarashli yoqilgʻi quyish shoxobchalarida 4000 soʻmdan sotilmoqda.
OʻzA