Urganch xalqaro aeroportida yuqori martabali mehmonni Oʻzbekiston Respublikasi Bosh vaziri A.Aripov va Xorazm viloyati hokimi F.Ermanov kutib oldi.

Rossiya Federatsiyasi Hukumati raisi Urganch shahrida Hukumat rahbarlari darajasidagi Oʻzbekiston – Rossiya qoʻshma komissiyasining birinchi yigʻilishida ishtirok etadi.

Mazkur tadbir ikki tomonlama hamkorlikning yangi shakli boʻlib, unda ikki mamlakat hukumatlari rahbarlari tomonidan Iqtisodiy hamkorlik boʻyicha hukumatlararo komissiyasining 24-aprelda boʻlib oʻtgan yigirmanchi yigʻilishi yakunlari sarhisob qilinadi va savdo-iqtisodiy hamkorlikni yanada rivojlantirishning istiqbolli yoʻnalishlari va ularning tarkibini amaliy jihatdan boyitish masalalari muhokama qilinadi.

Yigʻilish yakunida qator hujjatlar imzolanishi rejalashtirilgan.