Joriy yilning 29-30 sentyabr kunlari Qoraqalpog‘iston Respublikasi Taxtako‘pir tumanining eng chekka “Beltau” ovul fuqarolar yig‘inida “Orol baliqlaridan 99 tur taomlar” gastronomik hamda “Abbozovozi – Qarateran ohanglari” folklor festivallari o‘tkaziladi.

Tadbirlar Qoraqalpog‘iston Respublikasi Turizm va madaniy meros vazirligi tashabbusi bilan Qoraqalpog‘iston Respublikasi Vazirlar Kengashi, Toshkent davlat iqtisodiyot universiteti, “O‘zbekbaliqsanoat” birlashmasi, Madaniyat vazirligi, Taxtako‘pir tumani hokimligi hamda qator tashkilotlar tomonidan tashkil etilmoqda.

Festival doirasida oshpazlar musobaqasi, milliy xalq o‘yinlari, hunarmandlar ko‘rgazmalari, konsert dasturi, taniqli jirov va baxshilar chiqishlari, qur tomoshasi va boshqa ko‘plab madaniy-ko‘ngilochar tadbirlar o‘tkaziladi.

Dovud Abibullayev, O‘zA