Qoraqalpogʻiston Respublikasi Transport vazirligining xabar berishicha, bu kabi yoʻlovchi tashuvchi jamoat transport vositalari 17-avgust kunidan boshlab Qoraqalpogʻiston hududida harakatlanishi mumkin.
Jamoat transportlarining faoliyatini qayta tiklashda quyidagi qoidalarga qatʼiy amal qilish talab qilinadi:
– Avtokorxona tomonidan avtotransport vositasini har bir qatnash (reys) oldidan va oxirgi bandargohda, shuningdek, avtoshaxobchalarda toʻla dezinfeksiya qilish;
– Transport boshqaruvchilarni tibbiy niqob va qoʻlqoplar bilan taʼminlash hamda ularni doimiy ravishda oʻz vaqtida almashtirib borish;
– Salonga faqat tibbiy niqobdagi yoʻlovchilarni kiritish;
“Damas” va mikroavtobuslarning oldingi oʻrindigʻiga yoʻlovchlarning minishiga ruxsat etilmaydi.