Davlatimiz rahbarining 2020-yil 27-apreldagi “Koronavirus pandemiyasi davrida aholi va tadbirkorlik subyektlarini qoʻllab-quvvatlash boʻyicha qoʻshimcha chora-tadbirlar toʻgʻrisida“gi farmoni, avvalo mamlakatimizda savobli ishlarni amalga oshirish yoʻlida xizmat qilayotgan saxovatpesha tadbirkorlarimiz safini yana-da kengaytirib, aholining ijtimoiy himoyaga muhtoj qatlamiga, nogironligi boʻlgan shaxslar, boquvchisini yoʻqotgan aholiga koʻmak berishda muhim huquqiy asos boʻlib xizmat qilmoqda.
Ayniqsa aholining yordam va koʻmakka muhtoj qatlamini qoʻllab-quvvatlash maqsadida Prezidentimiz tashabbusi bilan “Saxovat va koʻmak“ umumxalq harakatining yoʻlga qoʻyilishi aholining turmush farovonligini yaxshilashga qaratilganligi bilan ahamiyatlidir. Ushbu ezgu saʼy-harakatning aynan muqaddas Ramazon oyida amalga oshirilishida katta maʼno bor.
– Muqaddas Ramazon ezgulik, mehr-oqibat saxovat oyidir, – deydi D. Utambetov. – Biz deputat va tadbirkorlar hamisha xalqimiz xizmatidamiz. Ushbu sinovli kunlarda esa bir-birimizga yelkadosh boʻlib, ijtimoiy himoyaga muhtoj oilalarga yordam berish ham farz, ham qarz.
Deputat har oilaga oʻz hisobidan 200 ming soʻmdan, jami 6 million soʻm tarqatdi.