Xalqaro shaxmat federatsiyasi joriy yil may oyi uchun e’lon qilgan dunyoning eng kuchli shaxmatchilari TOP-100 reytingida mamlakatimizning 4 nafar grossmeysteri qayd etildi.
Iste’dodli shaxmatchimiz Nodirbek Abdusattorov 2766 ball bilan 5-o‘rindan joy olgan bo‘lsa, Rustam Qosimjonov 48 o‘rinni, Javohir Sindorov 50-o‘rinni band etishdi. Nodirbek Yoqubboyev esa kuchli yuztalikning 72-pog‘onasini egalladi.
Aytish lozim, TOP-100 lik ro‘yxatni Norvegiya vakili Magnus Karlsen (2830) boshqarib turgan bo‘lsa, undan keyingi qatorlarda AQSH lik shaxmatchilar Fabiano Karuana(2805), Xikaru Nakamura(2795) va rossiyalik Yan Nepomnyashiy (277) bormoqda.
Eslatib o‘tamiz, o‘tgan aprel oyida e’lon qilingan FIDE reytingida Abdusattorov 4-o‘rinni egallagandi.
T. Ro‘ziyev, O‘zA