Qoraqalpogʻiston Respublikasining Ellikqalʼa, Chimboy, Qoʻngʻirot, Xoʻjayli tumanlari va Nukus shahrida“Bagʻrikeng Oʻzbekiston — umumiy uyimiz!” shiori ostida festival oʻtkazildi.

Unda milliy madaniy markazlar aʼzolari, yozuvchi-shoirlar, taniqli sanʼatkorlar, keng jamoatchilik vakillari, talabalar, akademik litsey, kasb-hunar kolleji,umumtaʼlim maktablari oʻquvchilari ishtirok etdi.

Festival doirasida “Milliy va diniy bagʻrikenglik: tinchlik va barqarorlikning muhim omili” mavzusida konferensiya oʻtkazildi, “Yoshlarni millatlararo totuvlik ruhida tarbiyalashda oila va xotin-qizlarning oʻrni” mavzusida uchrashuvlar, milliy taomlar va liboslar tanlovlari tashkil etildi.