Усы жыл 22-23-май күнлери Наманган ўәлаятында физика, тарийх ҳәм информатика пәнлеринен республикалық пәнлер олимпиадасының жуўмақлаўшы басқышы өткерилди.
Онда Төрткүл районындағы 13-санлы мектептиң 11-класс оқыўшысы Максуд Янгибаев информатика пәнинен қатнасып екинши орынды ийеледи.
Солай етип, ол усы ерискен жетискенлиги арқасында Өзбекстан-Корея халықаралық университетиниң Ферғана филиалына грант тийкарында оқыўға қабылланатуғын болды.
Сондай-ақ қарақалпақ тили ҳәм әдебияты пәнинен Ҳүрлиман Жолдасбаева (Тахтакөпир районы) биринши, Зухра Базарбаева (Нөкис районы) екинши, Нилуфар Сапарбаева (Қанлыкөл районы) үшинши, қазақ тили ҳәм әдебияты пәнинен Балкүмис Рейимбаева (Әмиўдәрья районы) биринши, Гулжайна Сейдуллаева (Хожели районы) екинши орын жеңимпазы болды.
Т.СЕЙТНАЗАРОВА,
Қарақалпақстан хабар агентлигиниң шолыўшысы