Кеше футбол бойынша Аргентинада өткерилип атырған жәҳән чемпионатында 1/8 финал ойынлары болып өтти.
Мендоса қаласында өткерилген ушырасыўда Өзбекстан U-20 сайланды командасы Израил жаслары менен өз-ара ойын өткерди.
Ушырасыўдың 1-таймында есап ашылмады. 2-тайм да дерлик усы тақылетте даўам етти. Бирақ, 2-таймға қосып берилген ең соңғы минутлардың биринде (90+7) Израил сайланды командасы ағзасы Анан Халали жәриймадан узатып берилген топты Өзбекстан дәрўазасына жоллап, өз командасын шерек финалға алып шықты.
Солай етип, Равшан Ҳайдаров шәкиртлери 1/8 финалда өзлериниң жүрисин тоқтатты.
Адилбай Оразов,
Қарақалпақстан хабар агентлиги шолыўшысы