Өзбекстан ҳәм Ҳиндстан арасында әскерий-техникалық бирге ислесиў қатнасықларын раўажландырыў бойынша алып барылып атырған жумыслар шеңберинде мәмлекетимиздиң Делидеги елшиханасы тәрепинен Ҳиндстан қорғаныў министриниң әскерий санаат мәселелери бойынша орынбасары Раж Кумар менен ушырасыў өткерилди.
Р.Кумар Ҳиндстан Өзбекстан менен барлық тараўлардағы қатнасықларды раўажландырыўдан мәпдар екенин атап өтип, еки мәмлекет арасындағы әскерий ҳәм әскерий – техникалық бирге ислесиў дослық қатнасықларының әҳмийетли структуралық бөлеги екенин атап өтти.
Тәреплер әскерий-техникалық бирге ислесиў тараўында өз-ара қатнасықларды және де тереңлестириў мақсетинде барлық имканиятлардан пайдаланыў зәрүрлигин атап өтти.
Ушырасыўда мәмлекетлер арасындағы әскерий-техникалық бирге ислесиў көлемин және де кеңейтиў перспективалары ҳаққында пикир алысылды.
ӨзА